ENTREPRENEURSHIP DEVELOPMENT SCHEME (EDS) HNUAI A MICRO START-UP CAPITAL INTIHSIAKNA

 

                        New Economic Development Policy (NEDP) hnuaiah Entrepreneurship Development Scheme (EDS) kalpui mek a ni a. EDS hnuaia component pawimawh tak “Micro Start Up Competition” chhawp chhuah niin Mizo thalaite tan Start-up Capital Competition (intihsiakna) buatsaih a ni dawn a. Competition hian heng sector pathum te hi a huam ang: (i) Agriculture & Allied Sector (marketing solution); (ii) Urban Transport/Mobility (24*7 small public transport solution); leh (iii) Solid Waste Management.

                        He competition-a proposal nei tha te hnenah Micro Start Up Capital

Rs. 5,00,000/- (cheng nuai nga) thlenga dawn theihna ruahman tur a ni ang. Competition (intihsiakna) hi round hnih kalpui a ni ang a. Round khatna ah chuan Proposal thehluh chu final round a tel tur thlan a ni ang a, round hnihna Final round a tel tur Proposal tha zual thlanchhuah te power-point presentation  hmangin an proposal sawifiah tura sawm an ni ang a. Mizoram Entrepreneurship Development Monitoring Committee in Micro Start Up Capital dawn tur a thlang ang.

                        Proposal hi June 1, 2017 hma ngeia thehluh tur a ni. Proposal te hi format siamsa hmanga Mizoram address ngei a thehluh tur a ni a. Proposal format hi a hnuai a hming ziak hnenah hian lam theih a ni ang a, Planning Department website ah tarlan a ni bawk ang. Hrechiang duh tan office hun chhungin a hnuaia hming ziak hnenah hian zawhfiah theih a ni.

 

 

 

 

Sd/- Dr. LALRINCHHANA

Secretary, MEDMOC &

Deputy Adviser - cum - Deputy Secretary

Planning & Prog. Implementation Department

Government of Mizoram

IPR No. 42

FORMAT for Micro Start-Up Capital Competition