Mizoram Rahbi – 2nd Micro Startup Capital Competition chu ni 7 December 2017 khan kan Planning Minister zahawmtak, Pu _’n launch-na hun a hmang a. Hei hi local TV ah chhuah a ni. He intihsiakna hi Mizoram sorkar economic policy duan New Economic Development Policy (NEDP) in a hrin chhuah Entrepreneurship Development Scheme (EDS) hnuaia hmalakna hrang hrang zinga component pawimawh tak a ni. EDS hi Chief Secretary chair-na hnuaia Mizoram State Entrepreneurship Development Monitoring Committee (MEDMOC) chuan a enkawl a, Sorkar hna ringawta innghat lova mahni kutkawih eizawnna kawng zawh thei tura mipui, a bik takin thalaite buatsaih chu he Scheme-in a tum bulpui ber a ni. EDS hnuaia Mizoram Rahbi Competition hmangin mipuite dinchhuahna tak tak chu entrepreneurship kalkawng a nih dante puan darh a, micro-enterprise project tha bik te hlawhtling tura dawmchhuah chu a tum a ni.

Mizoram Rahbi Competition ah hian Mizorama cheng entrepreneur a duh apiang a tel theih a ni. Guidelines leh dilna Form hi a hnuaia tarlan atangte hian a lak theih a, ni 20 January 2018 chhung hian Planning Department ah thehluh theih a ni: